سفیر الحب

قصیده هرمیّه مخمس مختلف القافیّه

لا تبالی

هذا حالی او ما جرالی

عذّبتنی او مرمرتنی لابده البسمه ابخیالی

لیلی ما انامه ابلیامه انطر سلامه انشط ابریحت دلالی

اتجرّدت من کل شی عندی کلهه ضدّی اتحمسیت او مالی والی

مو عجیبه

ساکن ابدیره غریبه

ابلا اناره ابلا اماره او ینکر الحب الحبیبه

واعدانی ایشد جروحی ابد ما شفت الضماد او لا طبیبه

صار محراث ابدلیلی مو خلیل اسمه خلیلی یا دلیلی ایدث لهیبه

هوّه هوّه

ما تغییر آه والیگولون سلوه

ما اظن عنده حمیّه اشوف بعیونه منیّه واللّه بلوا

یبست الگاع او مطرها زاد بهمومی خدرها ایجوز من الضیم تروا

شلت من دار المحنّه او جاورت صوچ العدنّه کلنه چنّه ما هو منّه ابدار شلوا

واعدانی

ابشوره ابد ما خایرانی

جرنی حاسبهه شطاره ابدار ظلمه او کض اذّانی

گال ذاک الدرب واجفی امشی خلفی انت دوّی وانا اطفّی عذّبانی

اتحسّرت ما بین گعدات اللیامه یا ندامه ابصف عمامه هذا ابد ما هو مچانی

جرنی بیده

او بیده لازمله حدیده

امعلّگ اعیونه اعلی راسه اعلی الطریده

گتله کافی کون مثل المای صافی الراح منّی الیوم اریده

گال عوفه شعر راسک چنّه صوفه کلمن ایداعی ابظروفه کاتب الموتی جریده

شاوریته

ابظیم گلبی خبّریته

ایرید مدرک دوّرت بس مالگیته

صحت گلت ادخیل ربّک مانی طاغی او غربلیته

گام یتظلّم علیّه گال مو منّی الاذیّه الداش و الطالع نهیته

گتله کافی

انت منّی اسرار خافی

عزمی مغسول الف غسله او گلبی صافی

هذا بیتی او  بیه حلالی او وین اولّی او وین اجافی

ابخدّه شامه ظل یفر مثل الحمامه احس بعیونه الندامه جوره طافی

کض حدوده

بس خجل و انکر وعوده

بالجمال ایشابه الیوسف کماله ابربعه زوده

یفتر ایکمّل حچینه او دار عینه المطر طگّه او گطع عوده

بالکذب چمّل اذیهه یتهم الحرمه  ابولیهه چذّب او حظّر شهوده

یا زمانه

دان وادان ودانه

های مو عز و کرامه های طرگاعه او خیانه

هایه دیره او ولف ما یعرف مصیره دار ما دار ابمچانه

هذا مای او گصب والبردی یلولی الکل حچولی او هور ملیان ابحنانه

اشویّه هود

ما رحت له گرب وابعد

جاب حوریّه او طفلها حمد واسعد

حاور الدنّا او سهرها او کل نظرها او گعد و اشتد

کتب واعلن بالگصاید و المحاور والاساور من طفل طافی ایتنشّد

یا جماعه

ما شفت منّه شفاعه

ایدهرب الکاره اعلی اهلهه او عینه اذاعه

ردته ایحس لی دمعتی ایمشبط ابراسی گذلتی ابهل اشاعه

بزنی بلسانه ابخباثه الامل داسه یا وناسه او ذبنی من عالی ارتفاعه

لا ما طحت

ابغصن شجره اتعلّگت

ساعدتنی البیهه غیره او ما خفت

ادری  بیهه هیّه  اخیتی  هیّه  بنتی اتضمّدت

یمهه نخله او دور ما دایرها مای او حدر فیهه اتگرّبت و اتحسّنت

ها ما شفت

قصّه من شوگی اکتبت

عمر ویّه الولف ساکن عاشرت و اتناسبت

خوش دللنی ابدلاله ماکو فاله لا عصاء و استرشدت

الدّنیا عافتنی ابغدرها ابسد گمرها یا بدرها عزّبت و اتعوزبت

بالسفر

اللّه خالقنه بشر

ابلیله ظلمه  نزهی ابنور الگمر

لا سعاده ابغیر جوله اگعد او عود النظر

کلنه من طینه اختلقنه الکل شعبنه اتثقّف او زیل الخطر

تحترمنه

کض ادینه او لا تذلنه

بالمساواه والعداله صیر شیّال الحملنه

لا تخلّی اسیاد تنهب طوبه تلعب گوم و انطرنه ابنزلنه

فخر صیر النه ابوجودک صلحه عودک او صیر من عدنه ابن اهلنه

یا عنید

تدری یا هو الّی یفید

صیر حمّای  الحمانه  اوعدنه عید

احسین هذا او ذاک قصره امهدّم او طایح یزید

من تمرنه اعیونّه تهمل محبّه و انت تنطر زلّت السان العجید

ماکو داعی

محنه هوش او انت راعی

تنشر احباب التضدنه دورنه او کلهه افاعی

ماتت الزینین ضلّت بس عماله و الجهاله و انت ساعی

خلنه بحضانک حنان العدو ما ینشر امان لا تگول انت ارتجاعی

وینه حبّی

احتصر گلبی احاه یربّی

لیش تبلینی ابعذابک انا مسلم مانی صبّی

النّاس فرحانه ابعربهه و انا فاگدلی ولد و العین تربی

یا محمّد یا علی وینه الحسین ابکربلاء سیفه یسلّه و انا عون او هذا دربی

جاسم ثعلبی الحسّانی 20/06/1400

للاطلاع اکثر علی هذا الوزن من الشعر ای الشعر الهرمی:

اعود و اُذکّر بأن الشعر او القالب الهرمی من ابداعاتی و کتبت فیه اشعار فی اللغه العربیّه و الفارسیّه و تم انتشارهنَّ و الشرح موجود علی مواقعی الکترونیه لمن یحب الکتابه علی هذا الوزن الخفیف (دیوان هرم الحسّانی فی اللغه العربیه و دیوان هرمی حسّانی فی اللغه الفارسیّه).